{"id":425,"date":"2016-02-03T14:49:02","date_gmt":"2016-02-03T14:49:02","guid":{"rendered":"http:\/\/nsve.is\/?p=425"},"modified":"2016-02-03T22:45:37","modified_gmt":"2016-02-03T22:45:37","slug":"hid-forvitnilega-thorbjarnarfell","status":"publish","type":"post","link":"https:\/\/nsve.is\/?p=425","title":{"rendered":"Hi\u00f0 forvitnilega \u00deorbjarnarfell"},"content":{"rendered":"

\"thorbjarnarfell\"
\n\u00deorbjarnarfell er b\u00e6jarfjall Grindv\u00edkinga og blasir vi\u00f0 til h\u00e6gri handar \u00feegar eki\u00f0 er su\u00f0ur Grindav\u00edkurveginn. Uppi \u00e1 fjallinu eru \u00e1berandi fjarskiptam\u00f6stur en \u00fear er einnig a\u00f0 finna nokku\u00f0 st\u00f3rbroti\u00f0 n\u00e1tt\u00farufyrirb\u00e6ri. Efri hluti fjallsins er nefnilega klofinn \u00ed tvennt af feiknamikilli misgengisgj\u00e1 er nefnist \u00dej\u00f3fagj\u00e1.<\/strong><\/p>\n

Felli\u00f0 er ekki mj\u00f6g h\u00e1tt, telst vera 243 m.y.s. og \u00fev\u00ed ekki erfitt uppg\u00f6ngu fyrir f\u00f3lk \u00ed \u00feokkalegu formi. \u00deorbjarnarfell er \u00ed miklu upp\u00e1haldi hj\u00e1 m\u00e9r enda fallegt fjall og a\u00f0gengilegt svona n\u00e1l\u00e6gt vegi og steinsnar a\u00f0 heiman. Nokkrar lei\u00f0ir eru upp \u00e1 fjalli\u00f0 en algengast er a\u00f0 gengi\u00f0 s\u00e9 \u00e1 \u00fea\u00f0 nor\u00f0anmegin fr\u00e1 Ba\u00f0sv\u00f6llum, \u00fe.e. \u00feeim megin sem sk\u00f3gr\u00e6ktarreiturinn er. \u00dear er pr\u00fd\u00f0isgott \u00fativistarsv\u00e6\u00f0i \u00ed skj\u00f3li vi\u00f0 tr\u00e9n. Vel m\u00f6rku\u00f0 sl\u00f3\u00f0 liggur upp hl\u00ed\u00f0ina.<\/p>\n

\u00deegar upp \u00e1 fjallsbr\u00fanina er komi\u00f0 er stefnan tekin \u00e1 fjarskiptam\u00f6strin en h\u00e6gra megin vi\u00f0 \u00feau er \u00dej\u00f3fagj\u00e1in. Undir hl\u00ed\u00f0inni er g\u00edgur fjallsins og \u00fear ofan \u00ed m\u00e1 sj\u00e1 leifar l\u00edtillar bragga\u00feyrpingar sem tilheyr\u00f0i hern\u00e1msli\u00f0inu \u00e1 str\u00ed\u00f0s\u00e1runum. Hla\u00f0inn arinn sem \u00e1\u00f0ur var umlukinn veggjum \u00ed bragga offis\u00e9ranna stendur sem einskonar minnisvar\u00f0i um li\u00f0na t\u00ed\u00f0.<\/p>\n

Stefnan er s\u00ed\u00f0an tekin upp brekkuna og stefnt \u00e1 hamravegginn h\u00e6gra megin vi\u00f0 fjarskiptam\u00f6strin.<\/p>\n

\u00dear komum vi\u00f0 \u00ed gj\u00e1na og vi\u00f0 okkur blasa h\u00e1ir og tignarlegir hamraveggir. G\u00f6ngin sem m\u00e6ta okkur fyrst eru loku\u00f0 \u00ed annan endann en engu a\u00f0 s\u00ed\u00f0ur er forvitnilegt a\u00f0 sko\u00f0a sig \u00fear um, sn\u00faa vi\u00f0, fara til h\u00e6gri \u00feegar upp \u00far gj\u00e1nni er komi\u00f0 og sko\u00f0a framhald hennar.<\/p>\n

\u00deorbjarnarfell vir\u00f0ist vera me\u00f0 eldri fj\u00f6llum \u00e1 Reykjanesskaga,\u00a0 a\u00f0 minnsta kosti a\u00f0 hluta til. B\u00f3lstrabergi\u00f0 er r\u00e1\u00f0andi \u00ed bland vi\u00f0 m\u00f3berg \u00feannig a\u00f0 \u00fea\u00f0 vir\u00f0ist a\u00f0 einhverju leyti vera fr\u00e1 fyrra \u00edsaldarskei\u00f0i, en jafnframt \u00fev\u00ed s\u00ed\u00f0ara. \u00dea\u00f0 er \u00fev\u00ed a\u00f0 nokkru leyti eldra en n\u00e1granninn Fagradalsfjall, sem er um t\u00edu \u00fe\u00fasund \u00e1ra gamalt. \u00deorbjarnarfell e\u00f0a hluti \u00feess hefur \u00fev\u00ed hla\u00f0ist upp vi\u00f0 eldgos undir j\u00f6kli.<\/p>\n

G\u00f6mul \u00fej\u00f3\u00f0saga tengist gj\u00e1nni, sem heitir \u00dej\u00f3fagj\u00e1 eins og \u00e1\u00f0ur sag\u00f0i. Samkv\u00e6mt henni \u00e1ttu fimmt\u00e1n \u00fej\u00f3far a\u00f0 hafa hafst \u00fear vi\u00f0 en \u00feeir l\u00f6g\u00f0ust \u00e1 f\u00e9 Grindv\u00edkinga.\u00a0 Ekki t\u00f3kst a\u00f0 hafa hendur \u00ed h\u00e1ri \u00feeirra fyrr en b\u00f3ndasonurinn \u00e1 Hrauni gekk til li\u00f0s vi\u00f0 \u00fe\u00e1 undir f\u00f6lsku flaggi.<\/p>\n

Eitt sinn er \u00feeir f\u00f3ru til ba\u00f0a \u00ed lauginni \u00e1 Ba\u00f0sv\u00f6llum var b\u00f3ndasyninum fali\u00f0 a\u00f0 g\u00e6ta fata \u00feeirra. Hann sneri vi\u00f0 skyrtuermum og br\u00f3kask\u00e1lmum og hlj\u00f3p s\u00ed\u00f0an til b\u00e6ja. \u00dej\u00f3funum var\u00f0 svo tafsamt a\u00f0 komast \u00ed f\u00f6tin a\u00f0 \u00feeir g\u00e1tu engan veginn n\u00e1\u00f0 honum. \u00deustu \u00fe\u00e1 bygg\u00f0amenn a\u00f0 og hands\u00f6mu\u00f0u \u00fej\u00f3fana sem s\u00ed\u00f0an voru hengdir undir Hagafelli, austan \u00deorbjarnarfells, \u00ed klettum sem s\u00ed\u00f0an hafa veri\u00f0 nefndir G\u00e1lgaklettar.<\/p>\n

\u00deegar komi\u00f0 er upp \u00far gj\u00e1nni\u00a0 sunnanmegin blasir vi\u00f0 gott \u00fats\u00fdni yfir Grindav\u00edk.\u00a0 Sau\u00f0a\u00fej\u00f3farnir hafa \u00e1tt au\u00f0velt me\u00f0 a\u00f0 fylgjast me\u00f0 mannafer\u00f0um \u00fear ofan fr\u00e1. H\u00e9r er h\u00e6gt a\u00f0 halda \u00e1fram ni\u00f0ur af fjallinu, beygja \u00e1 h\u00e6gri h\u00f6nd og fylgja fallegri g\u00f6ngulei\u00f0 me\u00f0fram fjallinu vi\u00f0 hraunja\u00f0arinn a\u00f0 vestan uns komi\u00f0 er aftur a\u00f0 b\u00edlast\u00e6\u00f0inu vi\u00f0 Selsk\u00f3g. \u00deeir sem vilja sko\u00f0a gj\u00e1na betur geta au\u00f0vita\u00f0 haldi\u00f0 s\u00f6mu lei\u00f0 til baka en svo er um a\u00f0 gera a\u00f0 ganga hring \u00e1 fjallinu og sko\u00f0a \u00e1hugaver\u00f0ar m\u00f3bergsmyndanir og kynjamyndir \u00feeirra.<\/p>\n

Lj\u00f3smyndir og texti: Ellert Gr\u00e9tarsson.<\/em><\/p>\n